2019-жылдын 23-январында К.Баялинов атындагы республикалык балдар жана жаштар китепканасында балдарга арналган «Экология боюнча китеп» аттуу китептин бет ачары болуп өттү.

Бет ачарга Бишкек шаарындагы № 68, № 69-мектептердин 7-классынын окуучулары жана мугалимдери катышышты.

К.Баялинов атындагы китепкананын директору Роза Калыевна Султангазиева сөзүндө заман талабына ылайык экологияга байланышкан балдарга арналган китептер болбогондугун, китеп өз учурунда чыккан, актуалдуу, эң керектүү жана пайдалуу экендигин белгиледи. Андагы оюн, пазл, баш катырмалар жана экологиялык тажрыйбалары менен балдар окуганга кызыктуу, мазмундуу китеп.

Read more

2016-жылдын 1-2-3-декабрында Чоң-Кемин жаратылыш паркынын аймагында жайгашкан Калмак-Ашуу айылында илбирстерди коргоо боюнча биргелешкен программанын колдоосу менен ишке ашырылып жаткан долбоорубуздун тоолуу аймактарындагы мугалимдер үчүн экинчи тренингибиз өткөрүлдү. Биринчи тренингибиз  Памирдин тоолуу айылдарынын мугалимдери учүн Тажикстанда июль айында өтүп, мектеп окуучуларына эко-лагерь уюштурулган. Тренингди уюштуруучу – экологиялык билим берүүнү өркүндөтүү тармагында чоң тажрыйбага ээ болгон «Таалим-Форум» коомдук фонду. Тренингдер илбирстерди коргоо боюнча Силикон өрөөнү коомчулук фонду (SVCF) менен биргелешкен программанын негизинде өткөрүлдү.

Чоң-Кеминде өткөн тренингге катышуучулардын арасында мектеп мугалимдери, районо адиси, эко-клубдун жетекчиси, Кыргызстандын территориясындагы жаратылышты коргоо кызматкерлери – Сарычат – Эрташ коругунан (Ысык-Көл областы), Нарын мамлекеттик коругунан (Нарын областы), Беш-Таш мамлекеттик жаратылыш паркынан (Талас областы) жана Чоң-Кемин мамлекеттик жаратылыш паркынан (Чүй областы), «Өнөр булагы» коомдук бирикмесинен катышышты. Катышуучулардын географиялык жайгашышы – Кыргызстандын төрт тоолуу областтары – Чүй, Нарын, Талас, Ысык-Көл.

Read more

2016-жылдан баштап «Таалим-Форум» коомдук фонду Памир жана Тянь-Шанда экологиялык билим тармагын бекемдөө долбоору менен иш жүргүзүп келе жатат. Долбоор Кристенсен фонду  менен Леонардо Ди Каприо фонду биргелешип, илбирстерди кыруудан коргоп, алар мекендеген аймактардын жашоого ыңгайлуу шарттарын Памир, Тянь-Шань, Алтай жана Саян тоолуу ландшафтарын коргоо программасын ишке ашырмакчы.

«Таалим-Форум» коомдук фонду тоолуу аймактарда жашаган элдин экологиялык аң-сезимин жогорулатууга багытталган иш-аракеттерди иштеп чыгып, практикалык тажрыйба жүргүзүүдө, атай кетсек, мектептерде окуучулардын экологиялык билимин өстүрүү менен бирге, бул маселеге кызыккан мугалимдердин мүмкүнчүлүктөрүн кеңейтүү жумуштарын да аткарууда.

Read more

Белгилүү кыргыз комузчу Зайнидин Иманалиевдин автордук ыкмасы менен балдарга комуз черткенди үйрөтүү сабактары. КТРКнын "Ибарат" студиясы менен биргелиштикте иштелип чыккан.

Read more

 Билдирүү барагы (pdf)

Конкурстун максаты, китептин критерийлер (pdf)

 

Сүрөттүү китептин сынагы

Балдарга арналган сүрөттүү китептин сынагы жарыяланат

Жеңүүчү китеп басылып чыгарылып Кыргызстандын бала бакчаларына, мектептерине жана китепканаларына таратылып берилет.

Сүрөттүү китептер 3 жаштан 8 жашка чейинки балдарга арналышы керек.

Сынакка китептин макети кабыл алынат (1 нуска)

Сынакка акын-жазуучулар, сүрөтчүлөр, педагогдор, ата-энелер, балдардын билимин өркүндөтүүгө кайдыгер карабаган адамдардын бардыгы катыша алышат.

Сынакка жеке жана биргелешип аткарылган иштер кабыл алынат.

Сынакка китептерди өткөрүү мөөнөтү – 2016-жылдын 1-марты.

2016-жылдын 1-февралына чейин сынакка катышуучулардын билдирүү кагаздары кабыл алынат.

Долбоордун уюштуруучусу – “Таалим-Форум” коомдук фонду.

Колдоо көрсөтүүчүлөр: “Турар” жана “Раритет” басмаканалары, Мамлекеттик китеп палатасы, К.Баялинов атындагы балдар жана өспүрүмдөрдүн республикалык китепканасы, Китеп басып чыгаруучу жана жайылтуучулардын Ассоциациасы,“Бишкекчанка” журналы.

Долбоор АКШнын Кыргызстандагы элчилиги тарабынан каржыланат

Бардык суроолор боюнча төмөнкү дарекке кайрылыңыздар: This email address is being protected from spambots. You need JavaScript enabled to view it.

Телефондор: 0312-69-41-10, 0312-298681, 0772-67-69-00

Сынак жөнүндө маалыматты Фейсбуктагы төмөнкү даректен карасаңыз болот: www.facebook.com/TaalimForum/

Сынакка тиешелүү маалыматтарды жана билдирүү кагазын төмөнкү сайттан жүктөп алсаңыз болот: www.taalimforum.kg

Балдарга арналган китептерге кереметтүү сүрөттөрдү чагылдырып, кооздугун арттырган таланттуу сүрөтчү – Кульнар Рымбектин автордук көргөзмөсүн ачууга «Таалим-Форум» коомдук фонду колдоо көрсөттү. Көргөзмө 1-июнь Балдарды коргоо күнүндө О.Мануйлованын мемориалдык үй-музейинде ачылды. Ага сүрөтчү айымдын бирге иштеген кыл калемдештери, өнөктөштөрү, искусство сүйүүчүлөр жана кичинекей окурмандар келишти. 14-июнга чейин баардык каалоочуларга көргөзмөнүн эшиги ачык.

Балдар сүрөтчүсү Кульнар Рымбек тарткан сүрөттүү ыр жана жомок китептерди ошол жерден сатып алууга болот. Баарыңыздарды көргөзмөгө чакырабыз!

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

14-февралда №84 орто мектепте («Ак-Өргөө» жаңы конушунда) «Таалим-Форум» коомдук фондунун өкүлдөрү 10-11-класстын окуучуларына Бишкек шаарынын экологиялык проблемалары тууралуу айтып беришти, «Жагымдуу шаар» документалдуу тасмасын көрсөтүштү жана викторина өткөрүштү. Викторинанын жыйынтыгы менен мектеп окуучулары «Таалим-Форум» коомдук фонду чыгарган «Кыргызстандын жандуу жаратылышы» балдар энциклопедиясын, ошондой эле бөбөктөрүнө боёмо китепчелерди алышты. Бул иш-чара «Билим кербени: табигый илимдердин көчмө өнөрканасы» долбоорунун негизинде «Роза Отунбаеванын демилгелери» эл аралык фондунун демилгеси менен Бишкек шаарынын Билим берүү башкармалыгы, экологиялык уюмдардын активдүү катышуусунда өттү.

Мектеп окуучуларына тасма таасир калтырды, алар викторинага активдүү катышышты. Окуучулар жерибизди тазалыкта кармоо зарылдыгын баса белгилешти, бул иште жаштардын орду жөнүндө, өзүбүздөн кийин кийинки муундарга эмне калтырабыз деп ойлонууга чакырышты.

«Жагымдуу шаар» тасмасы:

Read more

Режиссер Тилек Мураталиев тарткан "Кайберендин изи менен" аттуу документалдуу фильминин бет ачары

2014-жылдын 26-июнунда Бишкек шаарындагы К.Баялинов атындагы балдардын республикалык китепканасында бийик тоолорду мекендеген аркар, кулжалар тууралуу режиссер Тилек Мураталиев тарткан "Кайберендин изи менен" аттуу документалдуу фильминин бет ачары болот.
Фильм «Туруктуу өнүгүү стратегиялар институту» коомдук фондунун биомаданий түркүндүүлүктү өркүндөтүү долбоору аркылуу түндүк жана ички Тянь-Шандагы жергиликтүү демилгелерди колдоо менен, Кристенсен Фондунун (АКШ) жана Кыргыз Республикасынын Өкмөтүнүн алдындагы айлана-чөйрөнү коргоо жана токой чарбачылыгы мамлекеттик агенттигинин каржылык көмөгү менен тартылган.

Коомчулуктун, өзгөчө Нарын жана Ысык-Көл областтарындагы тоолуу аймактардын тургундарынын көңүлүн кызыл китепке жазылган аркар, кулжаларды (Марко Поло) сактап калууга бурууга, аларды мылтыктардын түрлөрү менен атып жок кылган аесуз жырткыч-мергенчиликтен коргоо проблемасы фильмдин максаты болуп эсептелет. Фильмди тартууга даярдоо маалында жергиликтүү эл менен жолугуп, бул маселелердин масштабы жана деңгээли менен тааныштыгы тууралуу маалымат топтодук; эл ичинде сакталып калган салттуу билимдер, тоо жаныбарлары жана аларга мергенчилик кылуу жөнүндө сурамжылоо жүргүзүлдү, билерман эксперттерден да изилдөөлөр тууралуу сураштыруу иштери жүргүзүлдү. Фильм жаратылышка аяр мамиле жасоого, аны сарамжалдык менен пайдаланууга арналган, ата-бабалар айткан ыйык мурастардагы: жырткычтык менен жоготууларга тыюуларды эсине алууга, жергиликтүү эл өз мекениндеги табийгатты коргоого жигердүү киришүүсү зарылдыгына багыт берет.